Футболбозони душанбегӣ барои Ҷоми “Бабри барфӣ” сабқат мекунанд

Дар сартосари ҷаҳон ҳамасола 23 октябр Рӯзи байналмилалии бабри барфӣ ҷашн гирифта мешавад. Дар ин бора Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад. Бахшида ба ин рӯз Кумитаи мазкур якчанд чорабиниро ба нақша гирифтааст, ки мусобиқаи футбол барои дарёфти Ҷоми “Бабри барфӣ” яке аз онҳост. Ҷоми “Бабри барфӣ” оид ба футбол дар шаҳри Душанбе бо иштироки 16 даста, аз ҷумла дастаи “Экология”-и Кумитаи ҳифзи муҳити зист пешбинӣ гардидааст.

Гуфта мешавад, ки Ҷоми “Бабри барфӣ” аз 23 октябр то 25 ноябр идома ёфта, дар фарҷом дастаҳои ғолиб ва бозингарони беҳтарин бо ҷоизаю туҳфаҳои хотиравӣ сарфароз гардонида мешаванд. Дар ин мусобиқа, ки аз рӯи натиҷаи қуръакашӣ ба се гурӯҳ тақсим шудаанд, 12 даста барои пирӯзӣ мубориза мебаранд.

Гурӯҳи «А»: «МегаФон», «Шоми Хуҷанд», «Абдулло», «База-2927».

Гурӯҳи «В»: «Осими», «Формула-55», «Экология», «Вавилон».

Гурӯҳи «С»: «Як-Таксӣ», «Сипар-2», «Соро компания-2», «Рахш-Таксӣ».