Камбэки аргентиниҳо дар бозӣ бо машинаи олмонӣ

Дар бозии дӯстона яккачинҳои абарқудрати ҷаҳон Олмон ва Аргентина рӯёрӯи ҳам омаданд. Набарди тимҳо дар варзишгоҳи «Сигнал Идуна Парк»-и шаҳри Дортмунд баргузор шуда, бо ҳисоби мусовии 2:2 хотима ёфт. Дар дақиқаи 15-уми майдондорӣ Серж Гнабрии олмонитабор ҳисобро боз кард. Пас аз сипари шудани 7 дақиқаи дигар олмониҳо голи дуюмашонро ба ҳадаф расоинданд. Ҳамин тавр қисми якуми бозӣ бо ҳисоби 2:0 ба нафъи машинаи олмонӣ хотима ёфт. Дар қисми дуюми дидор аниқтараш дар дақиқаҳои 66-ум ва 85-ум аргентиниҳо ба дарвозаи тер Стеген ду голи ҷавобӣ ворид намуда, ҳисоби дидорро баробар намуданд. Ҳамин тавр бозӣ байни тимҳо бо ҳисоби мусовии 2:2 хотима ёфт. Акнун санаи 13-уми октябр Олмон дар доираи рақобатҳои марҳилаи интихобии Евро-2020 бо тими Эстония бозӣ мекунад. Аргентиниҳо бошанд, бо яккачини Эквадор рақобати дӯстона анҷом медиҳанд. 

Бозии дӯстона

Олмон — Аргентина — 2:2 (2:0)

Голҳо: Гнабри, 16 (1:0). Хавертс, 22 (2:0). Аларио, 66 (2:1). Окампос, 85 (2:2).

Олмон: тер Штеген, Клостерманн, Кох, Зюле, Халстенберг, Гнабри (Сердар, 71), Киммих, Эмре Ҷан, Хавертс (Руди, 83), Брандт (Амири, 66), Валдшмидт.

Аргентина: Марчесин, Фойт, Отаменди, Рохо (Акуня, 46), Таляфико, Перейра (Саравия, 76), Паредес, Корреа (Окампос, 46), де Паул (Родригес, 90+3), Л.Х.Мартинес, Дибала (Аларио, 62).