Пас аз 11 сол “Боруссия”-и Дортмунд дигарбора ба финали ЛЧ баромад!

Бозии даври нимниҳоии Лигаи Чемпионҳо миёни дастаҳои “ПСЖ” ва “Боруссия”-и Дортмунд ба анҷом расид. Вохӯрии дастаҳо дар варзишгоҳи “Парк – де Пренс”-и шаҳри Париж баргузор шуда, бо ҳисоби 0 бар 1 ба фоидаи меҳмонон анҷом ёфт.

Ягона голи вохӯриро дифоъгар Матс Хуммелис ба самар расонид. Бозии аввали дастаҳо дар шаҳри Дортмунд бо ҳисоби 1 бар 0 ба фоидаи мизбонон анҷом ёфта буд. Ба ҳамин тартиб аз ҳисобии бозии рафту баргашт (2:0) дастаи “Боруссия”-и Дортмунд ба финали Лигаи Чемпионҳо баромад.

Дар финал дастаи шаҳри Дортмунд бо ғолиби ҷуфти “Реал Мадрид” ва “Бавария” бозӣ мекунанд.

Ёдовар мешавем, ки охирон маротиба “Боруссия”-и Дортмунд дар мавсими 2012/13 дар финали Лигаи Чемпионҳо муқобили “Бавария” бозӣ карда буд. Онҷо бозӣ бо ҳисоби 1 бар 2 ба фоидаи “Бавария” ба анҷом расид.