“Бавария” боз ба “Барселона” неш зад
Ду тими пурқуввати Аврупо “Барселона” ва “Бавария” дар доираи бозиҳои марҳилаи гурӯҳии Лигаи Қаҳрамонҳои Аврупо бо ҳам рақобат намуданд. Дидори дастаҳо дар варзишгоҳи “Камп Ноу”-и доир шуда, бо ҳисоби 3-0 бар нафъи тими олмонӣ хатм ёфт.
Дар рақобати дастаҳо аз оғоз то ба анҷом “Бавария” нисбати “Барселона” бештар ҳуҷумҳои хатарнок дошт. Дар дақиқаи 34-ум Томас Мюллер голи аввалини “Бавария”-ро ба ҳадаф расонд. Ҳамлавари соҳибноми тими олмонӣ Роберт Левандовский ба номаш “дубл” сабт намуд. Футболбозӣ полшагӣ дар дақиқаҳои 56-ум ва 85-ум голзанӣ намуда, пирӯзии комили тимашро таъмин сохт.
Баъди даври аввали марҳилаи гурӯҳӣ “Бавария” дар зинаи аввали гурӯҳи Е қарор гирифта, “Барселона” зинаи чоруми гурӯҳи мазкурро касб намудааст.