Хави шарҳ дод, ки чаро тасмим гирифт то сармураббии “Барселона” боқӣ монад

Сармураббии бошгоҳи “Барселона”-и Испания Хави Эрнандес дар бораи тасмими мондан дар тими каталониро изҳори назар кард.

Дар охири моҳи январ Хави эълон кард, ки дар анҷоми мавсими ҷорӣ «Барселона»-ро тарк мекунад, вале чанде пеш аз ин тасмимаш даст кашид ва барои як мавсими дигар тамдиди шартнома кард.

«Шумо медонед, ки ман «Барселона»-ро хеле дӯст медорам ва ман кӯшиш мекунам, ки барои ин бошгоҳ натиҷаҳои беҳтарро нишон диҳам. Муҳимтар аз ҳама ин аст, ки дар бораи ҳама як вақт фикр кунед. Мо қаблан бо президент вохӯрда будем ва ман дар бораи хоҳиши рафтани худ гуфтам, аммо ман аз президент, блоки варзишӣ ва тамоми раёсат эътимоди зиёд дорам. Мавқеи бозигароне, ки маро ба мондан дар ин лоиҳа бовар кунонданд, хеле муҳим аст. Мо нағз кор карда, ғалабахо меоварем. Ман барои ин корро кофӣ қавӣ ҳис мекунам. Моҳи январ ман фикр мекардам, ки рафтан беҳтар аст, аммо ҳоло ман фикрамро дигар кардам», - иқтибос овардааст аз суханони Хави нашрияи Mundo Deportivo.

Ёдовар мешавем, ки пас аз 32 давр «Барселона» бо 70 имтиёз дар ҷадвали Ла Лигаи Испания дар зинаи 2-юм қарор дорад. “Реал Мадрид” бо фарқияти 11 имтиёз пешгоми ҷадвали мусобиқот аст.