Рекорди нави Доминик Соланке дар ҳайати “Борнмут”

Ҳамлагари «Борнмут» - Доминик Соланке дар даври 33-юми Премйер-Лигаи Англия ба дарвозаи «Манчестер Юнайтед» (2:2) гол зад. Ин голи 17-уми ӯ дар мавсими имсола дар чемпионати Англия буд.

Ин гол ба Соланке имкон дод, ки рекорди қаблии тимро, ки ба Ҷошуа Кинг дар мавсими 2016/17 бо 16 гол тааллуқ дошт, нав кунад. Дар маҷмӯъ, Соланке дар ин мавсим дар 36 бозӣ дар тамоми мусобиқаҳо 19 гол ва 4 партофти головар кардааст.

Ҳамлагари 26-солаи англис дар ҳоли ҳозир дар феҳристи нишонзанҳои беҳтарин дар ПЛА дар ҷои чаҳорум қарор дорад. Бозии навбатии дастааш 21-уми апрел бо “Астон Вилла” дар меҳмонӣ баргузор мешавад. Бо он ки то анҷоми мавсим шаш бозӣ боқӣ мондааст, «Борнмут» дар ҷои 12-ум дар ҷадвали мусобиқа қарор дорад.