Талафоти навбатии «Реал» пеш аз бозӣ бо «Челси»

Сомонаи дастаи “Реал Мадрид” хабар медиҳад, ки дифоъгар Рафаэл Варан бинобар сабаби осеб бардоштанаш дар бозии ҷавобии даври ½ финали ЛЧ бар муқобили “Челси” бозӣ намекунад. Ёдовар бояд шуд, ки Варан дар бозии даври 34-уми Ла Лига бар зидди “Осасуна” (2:0) осеб гирифта, дар дақиқаи 46-ум иваз карда шуд. Ҳамин тавр Варан бозии ҷавобии даври ½ финалро тариқи Телевизион тамошо мекунад. Дар хотир дошта бошед, бозии нахустини дастаҳо дар шаҳри Мадрид бо натиҷаи мусовии 1:1 хотима ёфта буд. Акнун бозии ҷавобӣ бошад, фардо 5-уми май соати 23:55 дар варзишгоҳи «Стэмфорд Бриҷ»-и шаҳри Лондон баргузор мешавад.