Тумани шадид, 2 гол ва дуздидани байрақчаи кунҷи майдон

“Фортуна Ситтард” ва “Фейеноорд” натавонистанд аз сабаби тумани шадид рақобати даври 1/8 Ҷоми Нидерландҳоро ба анҷом расонанд. Футболбозон қариб ним соат азоб кашиданд, аммо дар натиҷа бозӣ ба ҳафтаи дигар гузаронида шуд.
Ҳоло пеш аз бозӣ ташкилотчиён оиди баргузории ин дидор шубҳа доштанд. Довар шароитро мусоид шуморида, қарор баровард, ки бозӣ кардан мумкин аст. Дар дақиқаҳои қисми охири бозӣ “Фейеноорд” ҳисобро боз кард.

Пас аз танаффус туман якбора шиддат гирифт ва ҳатто тӯби норинҷӣ мушкилиро ҳал накард. Яке аз мухлисон бошад, аз туман истифода карда, бо боварии он, ки ӯро ҳеҷ кас намебинад, байрақчаи кунҷии майдонро дуздид.

Соҳибони майдон то он вақте, ки довар дар дақиқаи 64-ум бозиро қатъ кард, соҳибони майдон тавонистанд ҳисобро баробар кунанд.

Пас аз ним соат ташкилотчиён ба хулосае омаданд, ки шароит беҳтар нагардид ва бо розигии тарафайн рақобатро қатъ карданд.
Ин бозӣ акнун як ҳафта пас, 28-уми январ баргузор мегардад. Рақобат аз дақиқаи 64-ум ва бо ҳисоби 1:1 шурӯъ мешавад.

Охирон бор бозии Ҷоми Нидерландҳоро аз сабаби тумани шадид моҳи феврали соли 2001 қатъ карда буданд. Ҷолиб аст, аммо дар он бозӣ ҳам “Фейеноорд” бозӣ мекард ва онҷо ҳам дар меҳмонӣ буд. Он бозиро дар ҳоли 0:0 будани ҳисоб дар дақиқаи 28-ум қатъ карданд. Пас аз як ҳафта “Херенвен” бо ҳисоби 4:3 ғалаба кард ва ба полуфинал баромад.