Renault коргаронашро ихтисор кард

Ширкати мошинсозии Renault якбора ду изҳорот дод. Тибқи изҳорот ширкати мазкур минбаъд 15 ҳазор кормандашро дар саросари ҷаҳон ихтисор хоҳад кард, аммо дастаро дар Формула-1 нигоҳ медорад.

Тавре, ки Клотилда Делбо - иҷрокунандаи вазифаи директори генералии ширкати Renault гуфт - ихтисор шудани ҷойҳои корӣ бо мақсади кам кардани кормандон аз ҳисоби вазифаҳои шахсоне, ки ба нафақа мебароянд, амалӣ мегардад. Ин ба ширкат имконият медиҳад, ки дар се соли оянда 2 миллиард евро сарфа кунад.

“Мо ба таври оммавӣ изҳор доштем ва тасдиқ мекунем, ки ба Формула-1 содиқем. Эълони тағйирот ба танзими молиявии марбут ба маҳдудиятҳои буҷа барои мо хуб аст, бинобар ин мо қарор додем, ки дар Формула-1 монем ” - гуфтааст Делбо. Хотиррасон мекунем, ки бо сабаби хуруҷи бемории коронавирус дар ҷаҳон ҳамаи мусобиқаҳои имсолаи Формула-1 лағв гардиданд.